呢間酒店住左咁多日，都未去海邊影相，
襯Daddy抹車，我同Toffee就去海邊做Model啦!
今日終於有機會戴新帽～
影完相，我地就出發去成田動物檢疫課，
我地由橫濱去成田揸左差唔多兩個鐘車呀～
因為趕時間，超速駕駛但比警察捉到，
好彩佢地唔識英文，所以口頭警告我地就算數，
Toffee仲鬧返d警察 : "阻Q住晒，汪汪!!!!"
所謂檢查，原來都係check資料，
仲帶左我地去一間好臭的房度嘟晶片!!!
Seino貨運的叔叔已經到左，媽媽係咁同佢講唔好意思，
因為我地出境的文件有d野要改， 要等多一陣 ><
大約15:00終於完成。
媽媽跟住帶我放尿之後就要入飛機籠，但我都無尿尿....
媽媽好唔捨得我，叫我唔好驚，有Toffee陪，
我眼訓到死，訓下覺好過啦，你擔心都多餘!!!!
媽媽目送我地上車，之後佢地就去還車。
還車又有段小插曲。
我聽佢講返，個死人GPS真係想拆出黎掉左佢!!!!
輸入左成田Toyota電話no.跟住行，去到只係一片爛地，
地上有個方格，似係無幾耐之前搬走左的痕跡。
最後當然係靠自己手機個Google Map啦!!!!
還車時媽媽同佢個職員投訴個GPS太舊，
佢話因為GPS係3年update一次!!!!!!!
搞左大半日，佢地終於可以食Lunch喇～
媽媽今次見唔到我地上機...
由15:00 開始同媽媽分開，夜晚23:00先見返媽媽呀!
媽媽佢地一落機即刻去國泰貨運站，比份提單職員及交錢，
之後落去地下counter再交份提單比職員，佢話我地miss左張綠色紙，
叫左我地去漁護署等，佢幫我地問office同事。
等左一陣，我見到媽媽喇，
Daddy即刻幫我拆開d索帶比我出黎，
漁護署姐姐叫我在細房尿尿，果度有地拖，
但我覺得臭臭所以無痾到，
媽媽即刻鋪張尿墊比我，我即刻衝上去痾，
漁護署姐姐仲舉起手指公讚我叻仔呀!!!!
我終於返到香港喇，可以訓覺喇～
平時我每日都要訓18小時，
旅行時每日只有8小時睡眠時間，
所以我經常恰眼訓!
今次的旅行好開心，
雖然我唔清楚自己去過邊d景點，
只知道媽媽每日都帶我遊山玩水。
我地做狗狗其實好簡單，
有Daddy媽媽陪住我就已經好滿足！
