Day 9 @ 横浜散策 (((2015-04-05)))

今日媽媽約左日本朋友 - Mika San
Bayside Marina Hotel都好貼心，
如果連續住宿的客人，每日都會整唔同款的早餐。

食完早餐，向橫浜駅進發。
媽媽約左Mika San 12:00，
因為落雨，我地11點就出發。
今日搭鐵路，首先要穿過outlet,
沿著天橋就到鳥浜駅。
大約搭35分鐘到達橫浜駅，中途新杉田轉車一次。

我地今日去橫浜Bay Quarter商場食Lunch。

如果無落雨就好，我可以去商場Dog Run玩 ><

Mika姐姐Book左呢5/F Alantic餐廳。

原本我都好眼訓，聞到野食即訂醒晒!!!!

我好鐘意Mika姐姐~~~~ 我錫左佢幾啖架!

食完Lunch, Daddy媽咪帶住我四圍Shopping~
我地首先去書局，跟住行LOFT，
跟住又放我落地行下，因為我要尿尿。
之後又行BIC Camera, Tokyu Hands, 又再返去Yodobashi~
我唔理佢地喇，我留晌戰車訓覺好過～

佢地今日不停晌東口西口兩邊走，腳跛了...
而Dog Cafe又要行好遠，
所以最後去左Supermarket買刺身、飯團醫肚。
仲行左去HARBS買兩件cake!
去到新杉田轉車時又買左燒雞翼&雞腎，
超香炭燒的味道，我又無份食。

而我呢，媽媽帶左12日乾糧比我，
因為我成日扭要食野，所以剩返1餐糧，
但要留比我落飛機食，所以媽媽買左雞肉比我～
返到酒店，媽媽即刻用個鐵杯隔水蒸肉肉。

Mika姐姐送比媽媽的京都手信~

唔好留低我呀，要帶埋我返香港呀!!!!