Day 2 @ 横濱草泥馬牧場 > 伊豆修善寺 (((2015-03-29)))

因為酒店早餐唔比狗狗入餐廳一齊坐，無outdoor table又唔可以外帶，
酒店職員話狗狗可以留守番，但我同Toffee根本做唔到，
所以唯有兩家人分開食，流輪睇狗...

媽媽話個早餐好好味!!!

出發前幾日，媽媽訂左架戰車比我，

琴日check-in, 成箱野已經放左入我地房。

琴晚Daddy砌好架車車，可以即買即用。

去伊豆之前，順路去左草泥馬牧場先，去到先知原來狗狗唔入得，
仲刮花左架車 ><

呢隻白內障草泥馬好顛，會突然衝埋黎！

兩位媽媽去牧場玩，兩位爸爸就抹車.....

之後就出發去伊豆修善寺喇～

一落車就開始落雨，原本plan左去竹林要取消，
直接去溫泉旅館check-in。
山紫水明係2014年12月尾完工，所以好新淨，而且每一間房都可以望到富士山。

今晚住呢間溫泉係全個旅程最貴的，因為房間有私人風呂。
Daddy約左Toffee一家去賣店度買野食，因為d大人仲未食lunch....
媽咪就同我留晌房休息，等我都入鄉隨俗，換件浴衣先～

大家記住浸溫泉之前要洗白白，唔好污染d泉水～

我晌陌生環境好不安，會不自覺地要跟實媽媽，一步都不能少，
Daddy媽咪唯有搬張椅比我坐晌度望住佢地浸溫泉，嘻嘻～

到晚餐時間，我分到菜心一條，我聽Toffee講佢媽媽分左刺身比佢呀!
不過Daddy媽咪覺得呢餐麻麻地，好睇唔好食...

臨訓前，媽媽用溫泉水幫我抹身，気持ちいい~
真係好，今晚又可以攬住媽媽訓覺！