NOODLE哥遊東京 (((出發前準備)))

一直有一個夢想 - 帶Noodle看世界。

由2012年12月尾開始籌備，到2015年3月終於成行。

這個旅程，雖然少了美食購物環節，但能夠興愛犬一起，什麼都是值得的。

至少將來到牠老了，我會記得他在富士山下奔跑過。

希望將來，我能夠再帶著牠四處遊歷。

準備飛機籠

出發前除左要準備打針針，飛機籠都好重要，媽媽之前問過CX Cargo，話我原本訓開個籠細左d，所以要換個大d的飛機籠。

我個新籠只係每邊大10cm，點解咁大個架，完全唔知點帶去機場 ><

出發前一星期 : 身體檢查

一朝早我同Toffee一齊去獸醫度做Body Check，杜蟲同埋滴Frontline，獸醫會晌農林省份Form A & Form C簽名，之後我地就一齊去漁護處加簽我地份Form就可以出發喇。

點知我仲未收到最新果張狗牌，媽媽帶埋我即刻去九龍狗房度攞埋張狗牌就返屋企，點知漁護處打黎話我張針紙有問題，無填晶片no.又無醫生簽名，好彩PAVC肯幫我整返，真係嚇死狗～ 我媽媽就慘喇，要去左長沙灣漁護處攞返張針紙，再去旺角，跟住交返去長沙灣漁護處..... 真係一額汗....

出發前一天 

咦，點解成個喼都係我d野既？點解既？

原來今次我有份去！

剪返個靚裝準備明天出發嚕～

以下是我在網上找到的資料： 

210日前 : 日本要求有注射兩支瘋狗症防疫針紀錄。從未打針便要補打，可能需更早準備。已打第一針，可於這階段打第二針。 (抗體測試及格，便可於抽血日算起之180天後出國) 

180日前 ： 打第二針一個月後可到獸醫處抽血，檢驗抗體濃度。 四星期有報告，連同狗牌向日本農林省遞交寵物入境申請 

150日前 ： 收到驗血報告，連同狗牌向日本農林省遞交寵物入境申請 收到農林省入境Confimation之後，連同運輸籠尺寸向回程托運公司報價。 可以開始Book酒店。 

40日前 : 向漁護署申請進口特別許可證。(香港漁護署電話：1823) 每隻$432，其後每隻收$120。 

30日前: 連同Special Permit, 狗狗資料比回程托運公司向CX Cargo落Booking。 航空公司只接受一個月前申請。 

7日前 : 到獸醫處作出發前健康檢查，包括杜蟲、滴Frontline+心絲蟲藥(自備)，並填好健康證明書，連同日本出境許可書到漁護署加簽，費用$155。再連同日本入境和出境許可書電郵給農林省。 最後致電漁護署通知狗狗出境和入境時間，便可出發。(香港漁護署電話：1823) 

3日前： 帶回收據，到漁護署取回已加簽的健康證明書 & 所有針卡正本。 

出發日 : 預早3小時到機場，帶同所有文件 check in，職員會獨立安排狗狗登機，放在恆溫牲口艙。抵達後到動物檢驗所辦好入境手續便可取回狗狗。 

回程日: 提早八小時帶狗狗到機場。在動物檢驗所辦好出境手續，再到貨運公司辦清關。狗狗留在貨倉，起飛前兩小時可返倉添糧水。到港後主人辦好入境手續，再往國泰貨站提取狗狗並在站內漁護署辦事處辦狗狗入境手續。